Факултетот за образовни науки неодамна ги отвори вратите за средношколците од регионот. Голем дел од средношколци имаа можност да ги видат просториите со кои располага овој Факултет, но и да се запознаат со своите идни професори и асистенти.

 

„Факултетот е отворен за сите матуранти, за сите средношколци. Сметаме дека ова е место каде што сите можат да се чувствуваат добредојдено. Ние како факултет секогаш имаме еден отворен и близок однос со своите студенти и тоа е една од нашите предности“, истакна деканката на ФОН, проф. д-р Емилија П. Ѓорѓева.

Средношколците имаа одредени прашања поврзани со можностите кои се нудат и студиските програми.

„Ние ги нудиме студиските програми Предучилишно воспитување, Одделенска настава, Педагогија и Историја со археологија“, истакна продеканката на Факултетот, проф. д-р Даниела Коцева.

Воедно овој настан имаше за цел да ја подигне и свеста на средношколците за учителската професија во државата.