На работната средба учествуваа претставниците од тимот на „ЛОЈА“ и професорите вклучени во проектот: Проф. д-р Снежана Мирасчиева, проф. д-р Соња Петровска, проф. д-р Даниела Коцева, како и деканот на Факултетот за образовни науки проф д-р Емилија Петрова Ѓорѓева.

На овој состанок главно се осврнавме на тековните активности на проектот како и на идните планови и предизвици меѓу кои: регионална посета на студентите, академска размена, мобилноста, како и зголемување на вклученоста, на студентите во граѓанскиот активизам.

Заеднички разговаравме за следните чекори и активности на проектот.

Универзитетот „Гоце Делчев“ - Факултет за образовни науки, Штип, покажа подготвеност и интерес за потпишувањето на заедничкиот меморандум меѓу сите инволвирани институции: KURVE Wustrow e. V., Универзитет „Св. Кирил и Методиј“, Универзитет на Југоисточна Европа, Универзитет во Тетово, Универзитет „Св.Климент Охридски“, Битола и НВО-„LOJA“ што обезбеди флексибилно обединување, како и зголемување на интересот за следниот циклус на проектот.