Факултетот за образовни науки неодамна оствари работна средба со претставници од Факултетот за педагогија при Универзитетот „Неофит Рилски“ во Благоевград, Р. Бугарија и Филозофскиот факултет при Универзитетот во Сплит, Р. Хрватска.
Притоа, деканите доц. д-р Јанка Стојменова од Факултетот за педагогија во Благоевград, проф. д-р Глорија Вицков од Филозофскиот факултет во Сплит, како и деканот на Факултетот за образовни науки, проф. д-р Емилија Петрова-Ѓорѓева договорија меѓусебни активности. Факултетите заедно ќе ја организираат 8. Меѓународна конференција „Современото воспитание и образование: состојби, предизвици и перспективи“, која ќе се одржи во првата недела на октомври 2020 година, а домаќин овој пат ќе биде Филозофскиот факултет во Сплит, Р. Хрватска.
