Со одржување на првиот состанок, беше означен стартот на проектот Game, Set, Equality (проект № 101134022 — Game Set Equality — ERASMUS-SPORT-2023), кофинансиран од Еразмус + програма на Европската Унија.

Состанокот беше одржан во Софија на 23 ноември 2023 година и на него учество земаа претставници на Универзитетот „Гоце Делчев“ од Штип и на Спортскиот клуб Дема (Dema) како кој е  и координатор на проектот.

Проектот Game, Set, Equality има за цел да ги охрабри жените и девојките да се вклучуваат во спортот како тренери и менаџери на спортски клубови и конктрено во тенисот и да земат активно учество во промоцијата на тенисот меѓу женската популација. Меѓудругото, проектот има цел да ги промовираат и заштитат жените во процесот на обука, тренинг како и судијство на повисоко ниво во тениските клубови, да ја подигне свеста за придобивките од процесот на тренирање како и да се зголеми бројот на жените тренери и судии во тенис и менаџери на тениски клубови.