Врз основа на Решение за акредитација бр.14-9417/3 од 27.7.2021 год. (Министерство за образование и наука),

Правилникот за начинот и условите на следењето на наставата и полагањето на испитите за стекнување на педагошко-психолошка и методска подготовка објавен во („Службен весник на РМ“ бр. 56 од 27 март 2014 година) и Правилникот за условите, постапката и правилата на студирање на програмата за стручно и професионално усовршување за стекнување на педагошко-психолошка и методска подготовка на Факултетот за образовни науки, Универзитетот „Гоце Делчев“ – Штип, објавува

 

КОНКУРС

ЗА ЗАПИШУВАЊЕ НА КАНДИДАТИ НА ПРОГРАМАТА ЗА СТРУЧНО И ПРОФЕСИОНАЛНО УСОВРШУВАЊЕ ЗА СТЕКНУВАЊЕ НА ПЕДАГОШКО-ПСИХОЛОШКА И МЕТОДСКА ПОДГОТОВКА НА

ФАКУЛТЕТОТ ЗА ОБРАЗОВНИ НАУКИ ПРИ УНИВЕРЗИТЕТ „ГОЦЕ ДЕЛЧЕВ“ ВО ШТИП ВО  ЛЕТЕН СЕМЕСТАР, УЧЕБНАТА, 2025/2026 ГОДИНА

 

Право на упис на оваа програма имаат сите кандидати кои завршиле дипломски студии со освоени (240 ЕКТС) на други факултети (ненаставна насока), а се вработиле како наставници или сакаат да се вработат како наставници во основно и средно образование.

Програма за стручно и професионално усовршување за стекнување на педагошко-психолошка и методска подготовка (настава и практичната настава) се организира во траење од 1 (еден) семестар, според критериумите на ЕКТС.

Трошоците за стекнување на педагошко-психолошка и методска подготовка (педагошка доквалификација) изнесуваат 250 евра во денарска противвредност.

Рокови за пријавување и запишување

Пријавувањето и запишувањето на кандидатите се врши во следните термини:

 

Пријавување на кандидатите	26 – 28 јануари 2026 год.
Одлука за прием	30 јануари 2026 год.
Запишување на кандидатите	2 – 4 јануари 2026 год.
Приемен ден*	7 февруари 2026 год. во 10 часот

 

*Присуството е задолжително

Документи за пријавување и запишување

При пријавувањето, кандидатите ги поднесуваат следните документи:

1. Пријава со потврда за уплатени 50 денари за административна такса;
2. Диплома за завршено високо образование (оригинал или заверена на нотар);
3. Извод од матичната книга на родените (оригинал или заверена на нотар);
4. Доказ за државјанство на РМ (Уверение, оригинал или заверена на нотар).

При запишувањето, примените кандидати поднесуваат:

1. Индекс;
2. Две фотографии (3,5 x 4,5 см);
3. Пријавни листови со потврда за уплатени 2x50 денари за административна такса;
4. Потврда за уплатени средства во висина од 250 евра во денарска противвредност, на жиро-сметката на Универзитетот „Гоце Делчев“ –Штип.

*На  кандидатите  кои  се  стекнале со педагошка  доквалификација –наставнички  компетенции  по 15.2.2013 година  им  се признаваат  сите наставни и практични активности кои се компатибилни со новоакредитираната програма стекнување на педагошко-психолошка и методска подготовка.