Факултетот за образовни науки при Универзитетот „Гоце Делчев“ – Штип организира серија јавни предавања и работилници на тема „Философија со деца и развој на критичко мислење“.

Организацијата на работилниците е на Институтот за применета философија и етика на ФОН, а предавач е проф. д-р Бруно Чурко од Факултетот за хуманистички и општествени науки на Универзитетот во Сплит, Хрватска.

Предавањата ќе се реализираат во периодот од 25 до 28 ноември 2019 година, а распоредот на темите е следниот:

• 25.11.2019 (понеделник), 10.00 ч. - Јавно предавање „Философија за/со деца и критичко мислење“
• 26.11.2019 (вторник), 11.00 ч. - Предавање за студенти „Критичко мислење како лајт философија“
• 27.11.2019 (среда), 11.00 ч. - Предавање и работилница за студенти „Сократовски дијалог“
• 28.11.2019 (четврток), 10.00 ч. - Работилница за одделенски наставници и воспитувачи „Философија со деца – учење за мислење“

Предавањата и работилниците ќе се одржуваат во свечената сала на Факултетот за образовни науки.