Во тек на месец Август и Септември 2024 година, како дел од завршната фаза на проектот GEM SET EQUALITY, Спортскиот клуб ДЕМА и Универзитетот Гоце Делчев организираа работилница на тема “Жени во тенисот” на која двете партнерски организации ги презентираа целите и резултатите на проектот.

По една работилница беше одрќана во секоја земја. На работилниците учествуваа повеќе од 40 учесници. Овие работилници имаа за цел директно да ги ангажираат жените во тениските клубови и да им обезбедат знаење и ресурси за родовата еднаквост, менторството и развојот на кариерата во тенисот.

Работилниците помогнаа да се подигне свеста за родовата еднаквост во тенисот, особено важноста на промовирање и заштита на жените во тренерските и судските улоги. Учесниците беа запознаени со прашањата околу родовата нерамноправност како  и за потребата од повеќе жени на лидерски позиции во тенисот. Работилниците обезбедија платформа за зајакнување на жените во тениската заедница преку фокусирање на развој на вештини, насочување во кариерата и можности за лидерство. Женските учеснички стекнаа доверба во извршувањето на улогите како тренери и официјални лица во тенисот. На девојките кои присуствуваа на работилниците им беа дадени алатки и ресурси за да им помогнат да се движат во тениските кариери и беа охрабрени да постават цели за личен и професионален развој.

Клучен елемент на работилниците беше воведувањето на менторска програма дизајнирана да им обезбеди постојана поддршка, насоки и можности за професионален раст на женските тениски тренери и службеници. Работилниците покажаа како менторската програма ќе им помогне на жените во спортот да изградат лидерски вештини, да ги подобрат своите кариери и да се поврзат со други професионалци.